Biography & Profile
Kessy Juma Mkambala ni mtaalamu mwenye uzoefu mpana katika Ununuzi, Usimamizi wa Mnyororo wa Ugavi na Uongozi wa Taasisi za Umma, anayehudumu kwa sasa kama Afisa Mkuu wa Manunuzi Daraja la I katika Mfuko wa Taifa wa Maji (National Water Fund).
Ana Shahada ya Uzamili ya Sayansi katika Ununuzi na Usimamizi wa Mnyororo wa Ugavi kutoka Chuo Kikuu cha Mzumbe, pamoja na Shahada ya Biashara (Uhasibu) kutoka Chuo Kikuu cha Dar es Salaam.
Akiwa na zaidi ya miaka 15 ya uzoefu wa kazi katika sekta ya umma na binafsi, amewahi kushika nyadhifa za juu ikiwemo Mkurugenzi Mtendaji wa Halmashauri ya Wilaya (DED), Mkuu wa Kitengo cha Manunuzi (HPMU), pamoja na nafasi za juu za usimamizi katika sekta ya usafirishaji na bandari. Amejijengea sifa ya uongozi thabiti, uwajibikaji na mchango mkubwa katika kuboresha mifumo ya manunuzi na utoaji wa huduma katika taasisi mbalimbali.
